Өткен жылдың қорытындысы бойынша Қазақстанның шетел нарықтарына экспортының жалпы құны 28,8 миллиард долларға жетті. Бұл 2018 жылғы көрсеткіштен шамамен екі есе көп. Мемлекет басшысының тапсырмасымен экспорт құрылымындағы шикізат үлесін азайту бағытында жұмыстар атқарылуда. Машиналар, жабдықтар, көлік құралдары, аспаптар мен құрылғылар экспортының үлесі 1,1%-дан 5,8%-ға дейін артқан. Экспорт құрылымындағы шикізаттың үлесі 2018 жылғы 74,5%-дан 2024 жылы 63,5%-ға дейін төмендеді.
Өзге елдермен сауда-экономикалық ынтымақтастық дамып келеді. Нәтижесінде, соңғы алты жылда сыртқы сауда айналымы 94,8 миллиард доллардан 141,4 миллиард долларға дейін, яғни бір жарым есеге өссе, экспорт көлемі 61,1 миллиард доллардан 81,6 миллиард долларға ұлғайған. Экспорт құрылымында өңделген, қосымша құн салығы жоғары тауарлар үлесінің артуы байқалады.